അറ്റ്ലാന്റ: ബ്രസീല്, ജര്മനി, നെതര്ലന്ഡ്സ് ടീമുകള്ക്കു പിന്നാലെ സ്പെയിനും ബെല്ജിയവും ഫിഫ 2026 ലോകകപ്പ് കളത്തിലേക്ക്.
ലാ റോജ എന്നറിയപ്പെടുന്ന, 2010 ലോകകപ്പ് ജേതാക്കളായ സ്പെയിന് ഗ്രൂപ്പ് എച്ചില് തങ്ങളുടെ ആദ്യ മത്സരത്തില് കേപ് വെര്ദെയെ നേരിടും. ഇന്ത്യന് സമയം രാത്രി 9.30നാണ് കിക്കോഫ്.
പരിക്കേറ്റു വിശ്രമത്തിലായിരുന്ന കൗമാര സൂപ്പര് താരം ലാമിന് യമാല് കളത്തിലേക്കു തിരിച്ചെത്തുമോ എന്നതാണ് സ്പെയിന് ഇറങ്ങുമ്പോഴുള്ള സുപ്രധാന ചോദ്യം. പരിക്കില്നിന്നു മുക്തനായ യമാല്, ടീമിനൊപ്പം പരിശീലനം ആരംഭിച്ചിട്ടുണ്ട്.
അര്ധരാത്രി 12.30ന് വാഷിംഗ്ടണില് നടക്കുന്ന മത്സരത്തില് കെവിന് ഡി ബ്രൂയിന്റെ ബെല്ജിയം മുഹമ്മദ് സലയുടെ ഈജിപ്തിനെ നേരിടും. ഗ്രൂപ്പ് ജിയിലെ ചാമ്പ്യനെ നിശ്ചയിക്കുന്ന പോരാട്ടമാകുമോ ഇതെന്നതാണ് കണ്ടറിയേണ്ടത്.